Xornada de pesca e paseo polo río

O pasado sábado, 30 de Setembro, Amizade organizou unha Xornada de Pesca e un paseo pola ría de Pontevedra que contou coa colaboración do Club Minauta, quen foi quen facilitou a embarcación.

Organizáronse varios paseos polo río desde o peirao das Corbaceiras e foise río arriba ata a estación de bombeo, e volta ao lugar de partida. Trátase dunha actividade que esperta grande interese entre as persoas con mobilidade reducida (en especial, as usuarias de cadeira de rodas) polo feito de que non soen ter oportunidade de gozar do transporte marítimo debido a escasa accesibilidade coa que contan peiraos e embarcacións.

Ao tempo no peirao de Corbaceiras, á beira do edificio sede do Gremio de Mareantes, varias persoas puideron desfrutar da Xornada de Pesca para a cal a Asociación Amizade contou coa colaboración de varias persoas con experiencia na pesca que se ofreceron a prestar a súa axuda en todo o referente á preparación do material necesario e que supervisaron a actividade xunto cós/as coordinadores/as da asociación.

Posteriormente, os/as asistentes á xornada foron xantar ao Restaurante do Pazo da Cultura onde puideron continuar compartindo experiencias.

 

 

Amizade visita Salvaterra

Un dos ámbitos sociais nos que traballa Amizade é do tempo de ocio e lecer, intentando ofrecer alternativas ás persoas con discapacidade. É aquí onde se enmarcou a visita organizada o pasado sábado, 16 de Setembro, que se visitou Salvaterra.

Ás 10:00 saiu dende Monte Porreiro (desde a sede social da entidade) un autobús adaptado, que tamén fixo unha parada sobre as 10:20 en Pontevedra (en Corbaceiras, onde Casa Digna) e que desprazou ás preto de 30 persoas participantes ata Salvaterra.

Alí está participaron da Exposición Internacional de orquideas no parque da Canuda.

Sobre as 14:00 xantaron nun Restaurante próximo, e á tarde, tiveron unha visita guiada polo casco vello de Salvaterra.

Sobre ás 19:30 estaban de volta en Pontevedra.

Amizade visita Ribeira

O domingo día 9 de xullo, corenta e un socios/as de Amizade visitamos Ribeira. Concretamente participamos da III Romería da Diversidade que organizou a Asociación Ambar (membro de COGAMI).

Ás 10:00 da mañá saia o autobús de Monte Porreiro, que faría unha parada en Pontevedra para recoller o resto dos/as socios/as. Antes das 12:00 chegábamos a Ribeira e participábamos das múltiples actividades, obradoiros, e outras que tiñan organizadas.

Sobre ás 14:00 xantamos nas inmediacións da Romería e a praia de Coroso en boa compaña e moitas risas.

Pola tarde, seguimos participando das actuacións, bailamos co grupo de pandereteiras e rimos con Toñito de Poi entre outras.

Sobre ás 18:30 o autobús tomaba destino de volta a Pontevedra.

 

 

Accesibilidade das praias da comarca

Praia de Silgar en Sanxenxo (Pontevedra). Unha das mellores da zona en canto accesos (conta con pasarelas á praia, aos baños, ao posto de socorro e ao chiringo), baños adaptados, cenador (zona reservada á sombra no medio do areal) e prazas reservadas de aparcamento a persoas con mobilidade reducida (sobre 10 nas inmediacións praia).