29/10/24 | Noticias, Sensibilización
O pasado 22 de Outubro púxose en marcha a campaña #TeletransporteContraLaDiscriminación en 15 localidades galegas para reinvindicar as dificultades de acceso no transporte. Dende Amizade concentrámonos na Praza de Ourense en Pontevedra para demandar un transporte adaptado que garantice a igualdade de oportunidades.
Paulo Fontán, presidente de Amizade, recoñece que aínda que a lei obriga a que o transporte público sexa accesible para todas as persoas, sabemos que non se cumpre como debería.
15/05/24 | Noticias, Ocio-Tempo Libre, Sensibilización
O venres 10 de Maio, Amizade realizou a V Xornada Multideportiva Adaptada para o cal contou coa Fundación Tambien para levala a cabo.
Esta xornada puxo á disposición de escolares e transeuntes diferentes deportes adaptados como: slalom, boccia, hockey, baloncesto en cadeira de rodas, handbikes, entre outras.
O obxectivo desta xornada é acercar á cidadanía diferentes propostas deportivas inclusivas, permitindo que calquera persoa poda facer uso das mesmas, concienciando e sensibilizando sobre a importancia da inclusión nos diferentes ámbitos.
Para realizar a xornada, Amizade contou coa colaboración da Deputación de Pontevedra, Concello de Pontevedra, Panaderías Acuña e Supermercados Froiz.
04/10/21 | Noticias, Sensibilización
A pasada semana a asociación Amizade e o CAB Baloncesto Pontevedra asinaron un convenio de colaboración co obxectivo de colaborar entre as entidades para o fomento de actuacións de mutuo enriquecemento e desenvolvemento, tales como a promoción do deporte adaptado ou a concienciación social sobre a discapacidade.
10/09/21 | Sensibilización
Dende o pasado 13 de Xullo ata o 10 de Setembro, compartimos 4 historias de socias de Amizade co obxectivo de facer concienciación do impacto da educación inclusiva na escola.
Jessica Casais, Ignacio Carballo, Juan Gabriel García e Sandra Hermida achegáronnos así a historia da súa traxectoria educativa, os apoios e dificultades cos que se atoparon e as recomendacións que farían a toda a comunidade educativa.
Despois deste ciclo de entrevistas, podemos concluir que a inclusión vai dende a adaptación de espazos, medios e materiais ata favorecer a participación en patios, excursións e cafeterías. Nos colexios apréndese moito máis que contidos teóricos, é unha aproximación do mundo no que van vivir.
Se queredes ver estas interesantes entrevistas, non dubidedes en achegarnos ao noso facebook!
