08/10/24 | Noticias, Ocio-Tempo Libre
No día 4 de Outubro a asociación Amizade levou a cabo unha actividade de ocio e tempo libre consistente nunha pequena ruta en KAIAK por Portonovo.
Despois de organizar aos participantes e facer os preparativos coas embarcacións, o inicio da ruta tivo lugar ás 12:00h, saíndo desde a propia praia de Silgar e facendo un pequeno paseo polas inmediacións. Tivo unha duración aproximada de unha hora na que os participantes puideron gozar dunha experiencia diferente, non sen volver a constatar as dificultades que existen para que as persoas con discapacidade poidan realizar este tipo de actividades (así como moitas outras).
Aínda contando coa colaboración de varias persoas voluntarias, o proceso de mobilización para situarse nos kaiak non estivo exento de dificultades, así como a propia estabilidade da embarcación sobre todo para persoas con máis dificultade de mobilidade. A experiencia serviu para detectar melloras de cara a futuras posibles edicións.
AMIZADE quere agradecer a colaboración do Club de Piragüismo de Portonovo sen o cal a actividade non podería terse realizado; aportaron o material, a súa experiencia e a colaboración de varias persoas durante a propia ruta.
01/07/24 | Noticias, Ocio-Tempo Libre
No mes de Xuño, Amizade apostou polo ocio náutico ofrecendo ás persoas socias unha saída pola Ría de Vigo en embarcacións accesibles.
Desta saida desfrutaron un total de 42 persoas da man de Bluscus cunha goleta e un bateeiro.
Despois de facer un percorrido pola Ría e coñecer o traballo detras das bateas, puidemos desfrutar dunha cata de mexilóns valorando máis, se cabe, o producto local.
Grazas á Deputación de Pontevedra co programa +Convivencia, que subvencionou parte dos gastos da saída, enmarcada como unha saída cultural e de ocio.
15/05/24 | Noticias, Ocio-Tempo Libre, Sensibilización
O venres 10 de Maio, Amizade realizou a V Xornada Multideportiva Adaptada para o cal contou coa Fundación Tambien para levala a cabo.
Esta xornada puxo á disposición de escolares e transeuntes diferentes deportes adaptados como: slalom, boccia, hockey, baloncesto en cadeira de rodas, handbikes, entre outras.
O obxectivo desta xornada é acercar á cidadanía diferentes propostas deportivas inclusivas, permitindo que calquera persoa poda facer uso das mesmas, concienciando e sensibilizando sobre a importancia da inclusión nos diferentes ámbitos.
Para realizar a xornada, Amizade contou coa colaboración da Deputación de Pontevedra, Concello de Pontevedra, Panaderías Acuña e Supermercados Froiz.
09/10/23 | Noticias, Ocio-Tempo Libre
O sábado 7 de Outubro, unhas 20 persoas socias da entidade fixeron o último tramo do camiño de Santiago (Monte do Gozo-Praza do obradoiro).
Este tramo constaba de 5 km, nos cales dende a asociación fumos testemuñas das dificultades de accesibilidade que presentaba nalgúns puntos, para os que tivemos que requerir da axuda de varias persoas e noutras ocasións, obrigounos a realizar parte do traxecto pola propia calzada.
Dende Amizade, propoñemos que estes problemas de accesibilidade poidan ser subsanados para que calquera persoa en igualdade de condicións poida disfrutar o camiño.
Para que este día se puidese levar a cabo, Amizade agradece a colaboración de Discamino, a Policía Local de Santiago e ao grupo da Comisión de amizade, formado por persoas voluntarias da entidade que prestan o seu tempo para planificar e organizar este tipo de saídas.
