O día 23 de agosto tivo lugar o campionato galego de TRAIL-O, que se celebrou na contorna do Mirador de Monteporreiro, en Pontevedra.
Varias persoas socias de Amizade participaron neste campionato dentro da categoría de “Iniciación”, que presentaba un menor nivel de dificultade que na categoría “Open”.
Resultou unha experiencia interesante, que permitiu constatar que a modalidade de orientación TRAIL-O constitúe unha opción accesible e inclusiva para que as persoas con mobilidade reducida poidan practicar este deporte.
A receptividade manifestada polas persoas socias de Amizade, así como a colaboración co club Aromon, provocou que ambas entidades pensen en organizar conxuntamente varias probas de TRAIL-O durante o ano 2026. Disto irase informando no seu momento.
A asociación Amizade anima ás persoas con mobilidade reducida a que se animen a probar este deporte.
Se alguén ten interese en recibir máis información, que se poña en contacto con nós.

O Clube Aromon xunto coa asociación Amizade, organizaron este domingo unha xornada de Trail-O, a modalidade competitiva de Orientación adaptada para personas con movilidad reducida.

Celebrouse na contorna da Illa das Esculturas e consistiu en completar un percorrido con 8 puntos de decisión e 1 punto cronometrado, que servía para desempatar. 

Esta xornada serviu como toma de contacto para o Campeonato Galego que terá lugar tamén en Pontevedra o vindeiro 23 de Agosto.