O sábado día 20 de abril de 2019 tivo lugar a celebración da XXVI Asemblea Xeral da asociación Amizade. Nesta ocasión volveu a escollerse o Hotel Campaniola como lugar onde desenvolver a asemblea.
Na mesma, a Xunta Directiva deu conta do traballo desenvolvido durante o exercicio do 2018, repasando a memoria de todas as actividades realizadas así como explicando o balance económico do ano, que por primeira mez en moitos anos rematou cun desaforro. Ambos documentos foron aprobados por unanimidade dos socios e socias presentes.
Tamén se presentou o programa de actividades para o ano 2019 que co afán de continuar cos servizos e actividades máis tradicionais e de incluír a intenión de desenvolver un curso de música e outro de fotografía, viña acompañado dun orzamento que xa estimaba rematar o ano cunha pequena perda. A asemblea da entidade asumiu o risco de obter finalmente ese resultado negativo en contraprestación de manter a oferta de servizos e actividades programada e decidiu aprobar por unanimidade o programa de actividades.
A continuación celebrouse a XV Asemblea Xeral Extraordinaria que como único punto da orde do día contemplaba a elección da nova Xunta Directiva de Amizade que tería que guia o funcionamento da asociación durante o período dos seguintes catro anos. Unicamente foi presentada unha candidatura, que resultou elixida por uanimidade, composta por: Paulo Fontán (presidencia), José Manuel Lareu (vicepresidencia), Helena Cabral (secretaría), Manuel Alonso (tesoureiría), e como vogais Eugenio Pazos, Antonio Orella, Jorge Esperón, Sergio Oubiña, Teresa Ballesteros, e Elena Barcia.
Ao finalizar ambas asembleas, tal e como se ven facendo nas últimas edicions, tivo lugar unha comida na que máis de 40 persoas (socios/as e amigos/as) puideron compartir as súas inquedanzas, opinións e experiencias, rematando así a xornada dun xeito máis informal e divertido.
