O programa de atención integral para persoas con discapacidade, financiado co 0,7% do IRPF, impulsa a inclusión na comarca
O Programa de Atención Integral para Persoas con Discapacidade continúa a ser un recurso fundamental para mellorar a calidade de vida das persoas participantes e das súas familias.
Grazas á financiación procedente do 0,7% do IRPF, a través da X Solidaria, desenvólvense actuacións orientadas a promover a autonomía persoal, a inclusión social e a participación activa na comunidade.
O programa ofrece servizos de información e orientación, acompañamento social e actividades de lecer inclusivo entre outras, beneficiando a un número significativo de persoas con discapacidade da contorna.
Este proxecto é posible grazas ao cofinanciamento da Xunta de Galicia a través dos fondos do 0,7% do IRPF procedentes das persoas que marcaron a casilla 106 “Actividades consideradas de interese social” e á xestión de COGAMI.
