Durante o ano 2025, o servizo de rehabilitación funcional puido continuar desenvolvendo a súa actividade grazas ao apoio económico da Deputación de Pontevedra, cuxa colaboración resulta fundamental para garantir a continuidade desta atención especializada.

Este servizo ten como obxectivo principal mellorar e/ou manter o estado físico das persoas con discapacidade, contribuíndo á prevención de deterioros funcionais e á mellora da súa calidade de vida. A atención realízase sempre coa intervención directa de profesionais da fisioterapia, adaptando os tratamentos ás necesidades individuais de cada persoa usuaria.

Desde Amizade mantéñense vixentes diversos convenios de colaboración con centros de fisioterapia da contorna, o que permite facilitar o acceso a este servizo ás persoas socias da entidade. Deste xeito, a asociación continúa traballando para promover a autonomía persoal, o benestar físico e a inclusión social das persoas con discapacidade, reforzando o seu compromiso cunha atención integral e de calidade.