O sábado 9 de xuño de 2018, Amizade colaborou coa Asociación de veciños de Monte Porreiro na festa do deporte que tiñan organizada no pavillón Fina Casalderrey. A asociación de veciños O Mirador solicitounos colaboración para esta xornada posto que unha das actividades deportivas que desenvolve Amizade se leva a cabo nas súas instalacións. Trátase do Taekwondo adaptado. Fai xa 7 meses que Amizade ten esta actividade no seu catálogo, e son 6 persoas socias as que se benefician da súa práctica. Agora mesmo, grazas a unha subvención outorgada pola Obra social La Caixa puidemos ter comprado os Dobok, os cales estrenamos nesta exhibición e que poderemos empregar máis asiduamente de agora en diante o que lle dá máis valor á actividade. Do mesmo xeito máis material destinado á actividade está en camiño.
Ademais tamén levamos o tenis de mesa, deporte que gusta a moitas persoas socias de Amizade. A idea foi que as persoas que quixesen probasen a practicalo sentados nunha cadeira de rodas.