20/04/24 | Asembleas, Noticias
O 20 de Abril celebrouse a XXXI Asamblea Xeral de persoas socias de Amizade.
Neste encontro tívose ocasión de informar ás persoas socias de Amizade das actividades realizadas no 2023, do informe económico dese mesmo ano e de plantexar a planificación de cara este 2024. Durante a reunión dase marxe para que as persoas socias poidan participar, preguntar ou suxerir o que consideren oportuno.
Na segunda parte da mañá, deuse paso á lectura e rectificación dos estatutos de Amizade para poder actualizalos de acordo coas novas necesidades plantexadas durante estos últimos anos.
Esta reunión con posterior xantar, é a oportunidade idónea para que as persoas socias se coñezan, se sintan parte e, moi importante, tezan rede!
01/04/24 | Noticias
Este proxecto é posible grazas ao cofinanciamento da Xunta de Galicia a través dos fondos do 0,7% do IRPF procedentes das persoas que marcaron o cadro de “Actividades de interese xeral consideradas de interese social” e á xestión de COGAMI.
Continua o programa de atención integral para persoas con discapacidade en Amizade, o cal ten por finalidade mellorar a calidade de vida das persoas así como favorecer a súa autonomía persoal, querendo chegar como mínimo a 70 persoas da comarca.
Grazas a este proxecto, a entidade pode realizar distintas actividades como o Obradoiro de ocio, Obradoiro de coiro, actividades deportivas, reunións de empoderamento da muller con discapacidade e actividades de sensibilización social e política. Así como servizos de accesibilidade e servizo de préstamo de productos de apoio.
01/03/24 | Boletíns, Noticias
Aquí temos o novo número do boletín de Amizade!
No boletín podedes consultar as útimas novidades da asociación así como información que creemos que poderache interesar.
Na sección de «Vidas con Capacidade», destacamos a traxectoria de Pablo Cimadevila, veciño Pontevedrés e antigo integrante da xunta directiva de Amizade.
Para poder ler o boletín, só tendes que premer na imaxe.
29/12/23 | Incidencia política, Noticias
Na mañá do 18 de decembro produciuse unha reunión na que o Presidente da Asociación Amizade, Paulo Fontán, lle transmitiu ao alcalde de Barro, Xosé Manuel Fernández Abraldes, a necesidade de efectuar certas melloras na accesibilidade de toda a contorna do parque natural Ría Barosa.
Ademais de solicitar que na zona máis próxima ao acceso peonil se sinalice unha praza de estacionamento reservada a persoas con mobilidade reducida, o Presidente de AMIZADE trasladou a necesidade de mellorar o itinerario de acceso tapando de algunha maneira os surcos que existen na actualidade e que dificultan o acceso a persoas usuarias de cadeira de rodas. Tamén se considera necesaria a modificación do pavimento de gravilla existente, así como a necesaria incorporación de baños adaptados a persoas con mobilidade reducida.
Outras cuestións tratadas na reunión foron a necesidade de sinalizar unha praza de estacionamento reservada a persoas con mobilidade reducida na zona máis próxima posible á casa consistorial, revisar o deseño das marquesiñas, realiza unha análise da accesibilidade das instalacións municipais, ou garantir que os eventos culturais que organice o Concello resulten accesibles para todas as persoas, entre outras.
AMIZADE quere agradecer a disposición do alcalde de Barro, tanto para manter a reunión como polo compromiso asumido de continuar mantendo un diálogo fluído e consultar coa Asociación Amizade todas aquelas cuestións nas que a entidade ten experiencia e coñecemento.
