O pasado 29 de xuño, no Recinto Feiral (Pazo Cultura Pontevedra), Amizade organizou unha xornada para que toda aquela persoa interesada puidera probar unha handbike (bicicleta adaptada) marca Rodem (de tres tipos manual, automática e híbrida).

A actividade deu comezo ás 11:00 e rematou ás 17:30, contando durante a mesma con persoal técnico da marca Rodem e a ortopedia da cidade onde se van adquirir as mesmas (Acceda Ortopedia).

A mesma organizouse con motivo da selección de Amizade no “Programa de axudas a entidades que loitan contra a exclusión social”, dentro do Plan Social promovido pola empresa Ence, xa que dita axuda destinarase a adquirir tres handbikes que estarán dispoñibles en servizo de préstamo para calquera socio/a da asociación que as solicite.

Está previsto que a finais do mes de xullo, Amizade teña xa adquiridas esas handbikes e esta xornada permitía que puidesen probalas, ver funcionamento, familiarizarse coas mesmas, entre outras.

Estas bicicletas permitirán ás persoas con discapacidade practicar deporte, ao tempo que facilitan a súa mobilidade.