A asociación Amizade foi unha das entidades beneficiarias do plan marco da empresa ENCE e gracias a iso vai poder poñer en marcha un servizo de préstamo de handbikes.
Amizade adquiriu tres unidades de handbike da marca Striker, por ser o modelo máis versátil e que se axusta a un maior número diferente de cadeiras de rodas manuais, podendo así chegar a un maior número de persoas socias.
Trátase dun elemento que se acopla a unha cadeira de rodas manual converténdoa nun elemento motorizado, o cal permite dispoñer dunha maior mobilidade e resistencia ás persoas con discapacidade, o que á súa vez lle dá moitas máis opcións de poder gozar do seu tempo de ocio.
Este material foi adquirido á Acceda Ortopedia, que fixo a entrega o pasado sábado día 7 de outubro na sede da asociación.
Pronto estará en marcha o servizo de préstamo!.