Informe feito ao pouco da inauguración da senda. O sentido da marcha foi Pontevedra-Monte Porreiro.

A división en tramos, así como os alternativos, non forma parte da senda oficial. Fíxose a xeito particular para facilitar a comprensión dos datos presentados, sinalar os aparcadoiros e ofrecer alternativas aos treitos con dificultade.

Resultado da análise

Tramo 1	Firme	Pendente	Obstáculos
Firme: Regular	Onde remata o carril bici da avenida de Buenos Aires e comeza a senda o firme presenta irregularidades durante uns 20 metros que dificultan a marcha nunha cadeira manual ou eléctrica con rodas macizas. O resto do percorrido é mais cómodo facelo pola beirarrúa paralela que polo treito novo.
Pendente: Ben	Chan ata a ponte do tren, logo pendente asumible.
Obstáculos: Ben	Non hai obstáculos durante o percorrido.
Imaxes:

Resultado da análise

Tramo 2	Firme	Pendente	Obstáculos
Firme: Regular	Nos treitos de madeira a marcha é moi agradable pero no resto o material non é o máis axeitado e provoca incomodidade se se utilizan rodas macizas.
Pendente: Ben	Altérnanse treitos chans con pendentes suaves. Nos metros finais, no caso de levar cadeira manual, as persoas con pouca forza nos brazos necesitarían axuda.
Obstáculos: Ben	Non hai obstáculos durante o percorrido.
Outros	A metade de camiño existe un acceso ao tramo alternativo que discorre máis arriba, pero pola gran pendente e o cemento que botaron ao final para encamiñar a chuvia non pode utilizarse.
Imaxes

Resultado da análise

Tramo alternativo 1	Firme	Pendente	Obstáculos
Firme: Ben	Ata a urbanización en perfecto estado, ao entrar na pista o asfaltado é aceptable.
Pendente: Ben	Subida asumible ata a urbanización, logo lixeira baixada.
Obstáculos: Ben	Pedras que impiden a entrada dos coches pero que non dificultan o paso no momento en que fixemos este informe.
Outros	Aparcadoiro á entrada da urbanización. Nese punto pódese retroceder ata entrar polo tramo 2 ou seguir ata o cruzamento, onde se pode escoller facer o tramo 2 en sentido inverso ou continuar polos 3 e 4.
Imaxes

Resultado da análise

Tramo 3	Firme	Pendente	Obstáculos
Firme: Mal	Asfaltado pero en mal estado durante todo o tramo.
Pendente: Regular	Altérnanse treitos chans con lixeiras baixadas. Nos metros finais hai unha costa pronunciada e no caso de levar cadeira manual as persoas con pouca forza nos brazos necesitarían axuda
Obstáculos: Mal	Debido a filtracións de auga hai varios puntos co terreo enlamado que fan case imposible o paso cunha cadeira manual ou eléctrica básica sen contar con axuda. Debido a un desprendemento de terra nun treito hai a penas un metro de ancho para pasar. A un lado queda a gabia e a outro un precipicio, polo que hai que ter coidado.
Outros	Este tramo non é de nova construcción, discorre por unha pista creada hai anos, que foi limpada para poder utilizarse. Foi analizado con bo tempo pero con malas condicións climatolóxicas realizar o treito é imposible.
Imaxes

Resultado da análise

Tramo 4	Firme	Pendente	Obstáculos
Firme: Ben	Asfaltado en boas condicións
Pendente: Regular	Costa abaixo con pendente pronunciada no inicio, chan no treito central e pendente asumible ao final.
Obstáculos: Ben	Non hai obstáculos durante o percorrido.
Outros	A senda ten nun ramal ata Lérez cruzando unha pasarela, pero non é accesible. Hai un pequeno aparcadoiro ao final do tramo.
Imaxes

Resultado da análise

Tramo alternativo 2	Firme	Pendente	Obstáculos
Firme: Ben	Asfaltado en perfecto estado.
Pendente: Mal	Desde o cruzamento dos tramos 3 e 4 subida continua, nos metros finais faise aínda máis pronunciada. Non recomendable realizalo en cadeira manual se non se está en moi boa forma física.
Obstáculos: Ben	Non hai obstáculos durante o percorrido.
Outros	Aparcadoiro diante do centro médico da urbanización. Pode ser interesante comezar nese punto se so se quere facer o tramo 4.
Imaxes