O luns, día 2 de marzo, iniciouse un curso de Informática Básica nos locais da asociación. O curso enmarcase dentro do Programa Operativo do Fondo Social Europeo - Galicia 2007-2013 de Formación Profesional para persoas con discapacidade física que residan na comunidade autónoma de Galicia.

A partir do día 6 de abril, a Asociación de persoas con discapacidade da comarca de Pontevedra, Amizade, contará cun Espazo Web de Intercambio, Consulta e Información laboral. O obxectivo do mesmo é potenciar aulas de intermediación socio-laboral nas que se fomente e posibilite o uso das novas tecnoloxías para a búsqueda activa de emprego.

Hai persoas con discapacidade que por moi diversas razóns non contan con formación basica en lectoescritura, en habilidades sociais ou en informática.

Desde o 16 de febreiro un grupo de 11 persoas con discapacidade asisten a este taller, no que unha monitora especializada dirixe a formación en lingua, matemáticas, informática ou habilidades sociais.

O luns, día 2 de febreiro, comezou a actividade de Piscina Terapéutica nas instalacións das Piscinas Municipais de Campolongo. O obxectivo que se plantexa con esta actividade é mellorar as condicións físicas e de psicomotricidade, e consecuentemente, a autonomía das persoas beneficiarias da mesma. Para isto, contan coa axuda dunha monitora especializada en Piscina Terapéutica que guía e axuda nos distintos exercicios.

As 11 alumnas que finalizaron o curso de Formación de Asistente Persoal recibiron o día 30 de xaneiro os seus diplomas que acreditan a superación de todos os módulos do curso.

Foi un curso de 270 horas de duración, impartidas de outubro a decembro de 2008, no que se efectuou unha formación completa para que todas as persoas que a recibiron poidan desenvolver axeitadamente as funcións do Asistente Persoal.

Amizade aportou un estudo no que constaban 142 rampas non axustadas á lei e inútiles. Están dispersas por todo o barrio e serán reformadas para usalas. Tamén se construirán elementos de seguridade vial como lombos que se extenderán a Os Campos e Santa Margarita

O concelleiro de barrios, Miguel Vázquez Plaza visitou esta mañá o barrio de Monte Porreiro para estudiar sobre o terreo a instalación de pasos elevados e a eliminación de barreiras neste ámbito, no que residen 4.700 persoas. Estivo acompañado de representantes de Cogami, da asociación O Mirador, da empresa Rías Baixas, así como de técnicos municipais e da empresa Sercoysa que se encargará de facer estas obras.

O pasado martes dia 20 de xaneiro o presidente de Amizade reuniuse con Guillerme Vázquez, concelleiro da área de protección cidadá e responsable, entre outras cousas, de ocupacións da vía pública, disciplina urbanística ou seguimento de obras urbanas.

A empresa Acceda Ortopedia ven de asinar un convenio de colaboración con Amizade mediante o cal a empresa aporta unha cantidade económica anual en concepto de axuda a cambio de que Amizade manteña de xeito permanente o logo da empresa na súa páxina web.

Este convenio, que contén algún outro acordo, demostra o compromiso que Acceda demostra coa asociación; un compromiso que vai máis ala do mero intercambio comercial.

O día 19 de decembro concluiu o curso de Formación de Asistente Persoal que se viña impartindo en Amizade desde o 6 de outubro. Foron un total de 11 persoas, todas elas mulleres, as que completaron satisfatoriamente os módulos do curso e as que a partir de agora posúen uns maiores coñecementos que en boa medida se espera que contribúan a ofrecerlle maiores posibilidades laborais.

Enmarcada dentro do curso de Formación de Asistente Persoal, que ten lugar en Amizade desde outubro, organizouse unha visita ás instalacións que a Asociación Juan XXIII ten na cidade de Pontevedra.

O día 12 de decembro as 11 alumnas do curso, xunto con diverso persoal de Amizade, puideron comprobar o traballo que a Asociación Juan XXIII realiza para a promoción, capacitación profesional e integración das persoas con discapacidade intelectual.