A Concellaría de Protección Cidadá inaugurou o 17 de novembro o curso municipal de Educación Vial nun acto celebrado no Pazo da Cultura, e no que estivo presente o alcalde, Miguel Vázquez Plaza. O concelleiro Guillerme Vázquez e o xefe da Policía Local, Daniel Macenlle participaron nesta inauguración que tivo como referencia a intervención de Paulo Fontán, presidente de Amizade, e Jeanne Picard, vicepresidenta de Stop Accidentes.

O Pazo da Cultura acolleu á mañá a inauguración oficial do curso municipal de Educación Vial no que asistiron arredor de 150 alumnos. Coa presenza do alcalde, Miguel Anxo Fernández Lores, no acto interviron Paulo Fontán presidente de Amizade, e Jeanne Picard, vicepresidenta de Stop Accidentes, así como o propio concelleiro de Protección Cidadá, Guillerme Vázquez, e o xefe da Policía Local, Daniel Macenlle.

O presidente de Amizade, Paulo Fontán, impartiu unha conferencia que, co título de A cidade vivida, pretendeu explicar como un entorno urbano accesible e uns espazos públicos ben deseñados fan posible que unha cidade poida ser vivida por todas as persoas.

A conferencia enmarcouse dentro do ciclo que organizou a concellería de cultura do concello de Pontevedra no que cobrou unha especial relevancia a Praza Efémera que se creou no palco da música da alameda pontevedresa.

O día 17 de outubro rematou o curso do Plan FIP, na especialidade de Empregado/a de Oficina, que se viña impartindo nos locais de Amizade desde o mes de marzo.

Ao acto de clausura do curso asistiron David Silva (responsable de comunicación de COGAMI), Francisco Abuín (responsable de Formación de COGAMI), Paulo Fontán (presidente de Amizade) e Alba Acuña (coordinadora de formación de Amizade).

Os 11 alumnos/as que remataron o curso conseguiron aprobar todos os contidos e recibirán o correspondente diploma outorgado pola Xunta de Galicia. Todos eles contan agora cuns maiores coñecementos que ben seguro lle facilitarán a incorporación ao mercado de traballo.

As alumnas do curso de Formación de Asistente Persoal, xunto coa profesora e diverso persoal de Amizade, asistiron o día 17 de outubro a unha visita guiada polos dous centros que a Asociación Amencer ten na cidade de Pontevedra.

O persoal de Amencer explicou cales son as actividades que realiza a asociación, tanto no centro de día como no centro educativo, e púidose apreciar o importante labor que esta entidade desenvolve coas persoas con parálise cerebral.

O día 6 de outubro deu comezo o curso de Formación de Asistente Persoal que este ano organizou Amizade por primeira vez.

Finalmente serán 13 as persoas que se poderán formar axeitadamente e adquirir as habilidades básicas precisas para desempeñar un correcto traballo no eido da atención ás persoas con discapacidade e necesidade de axuda xeneralizada.

Aínda que o desenvolvemento da Lei segue sendo lento, parece que cada vez está máis preto o outorgamento da prestación económica derivada da LEPA (Lei de Autonomía Persoal e Atención ás Persoas en Situación de Dependencia) polo que cada vez serán máis demandados os profesionais dedicados á Asistencia Persoal.

O vehículo dispón dunha rampla abatible que facilita o acceso en cadeira de rodas

José Estévez (Pontevedra).

A empresa Autocares Rías Baixas iniciou onte a celebración da Semana dá Mobilidade Europea coa presentación dun autobús accesible, deseñado para as persoas que precisan dunha cadeira de rodas ou que teñen dificultades para desprazarse, como é o caso dos invidentes. O vehículo, que entrará en funcionamento a próxima semana, cubrirá a liña que une o centro urbano cos barrios de Monte Porreiro, O Castelo, Salcedo e A Caeira.

O autobús, da marca Mercedes, orzado en 191.000 euros, dispón dunha rampla manual abatible e dun pulsador exterior táctil en braille. Catro das 29 prazas de asento das que dispón o vehículo están reservadas para persoas con discapacidade, ademais dunha praza para usuarios que utilizan cadeira de rodas.

David Acevedo (Pontevedra).

Pablo Cimadevila logrou unha nova medalla, ao formar parte (tanto na eliminatoria matinal como na final) da substitución 4x50 metros estilos que terminou terceiro. Na última carreira, o pontevedrés nadou a primeira posta dunha proba que pechou de xeito brillante Sebastián Rodríguez ‘Chano'.

O conxunto español estivo formado por Pablo Cimadevila, Vicente Gil, Daniel Vidal e Sebastián Rodríguez, que pararon o crono en 2:40.38, mentres que China obtivo o ouro con 2:33.15 e Brasil foi prata con 2:39.31.

O pontevedrés bate a marca de Europa dos 200 metros estilos

David Acevedo (Pontevedra).

Pablo Cimadevila xa ten unha nova medalla paralímpica no seu espectacular palmarés grazas ao bronce que onte conseguiu na proba dos 200 metros estilos, categoría SM5, dos Xogos de Pequín 2008.

Nunha espectacular carreira de marca, na que fixo un tempo de sete segundos menos que o que lle serviu hai oito anos para ser campión en Sidney, o pontevedrés subiuse ao terceiro banzo do podio tras unha preciosa e emocionante loita co chinés Hei Junquan, que se fixo coa prata nas últimas brazadas logo dunha extraordinaria remontada de Cimadevila. O pontevedrés foi de menos a máis e ata se a carreira durase un metro máis se fixo co segundo lugar.

COCEMFE a través da Universidade Técnica de Verano ofrece os seguintes cursos de formación.

A Fundación Universia convocou 2 becas de 3.200 euros para titulados universitarios con discapacidad para o Máster de Tecnoloxías accesibles para os servizos da sociedade da información.

O master nace froito da necesidade de formar a persoal cualificado no ámbito da accesibilidade web e das tecnoloxías accesibles. Baseado nunha realidade internacional, o master oficial ofrece unha formación innovadora e de calidade nun dos ámbitos emerxentes da sociedade da información.