Son uns premios que outorga a Fundación Española de Seguridade Vial para policías locais e que contan cunha modalidade de Educación Vial, que é que para a que se propón á Policía Local de Pontevedra.

En concreto, óptase ao premio pola posta en marcha da iniciativa "Camiño Escolar", como método para mellorar a percepción da cidade como espazo seguro.

Gracias a AGARESO este pasado 29 de novembro tivemos a oportunidade de coñecer de primeira man, a través da propia protagonista, Dalal Altegi, como viven aspersoas con discapacidade en Palestina. A experiencia foi máis que enriquecedora. Puidemos coñecer cales son os recursos dos que dispoñen e en que situación se atopan.

O pasado sábado, 12 de Novembro, en colaboración coa Asociación de Veciños/a, APAs, asociacións culturais e deportivas, entre outras entidades de Monte Porreiro, tivo lugar un Magosto tradicional, ao cal tivemos o pracer de participar e colaborar co mesmo.

O pasado día 16 de novembro finalizou o “Obradoiro de Introducción ao Deseño Gráfico: Photoshop”, día no que e os/as alumnos/as participantes recibiron os seus diplomas que acreditan a superación de todos os módulos do obradoiro.

O día 10 de setembro tivo lugar unha nova xornada de pesca organizada por Amizade. Continúa a ser unha actividade que lle gusta á xente e que a asociación xa organiza por cuarta vez. Nesta ocasión a climatoloxía non acompañou demasiado e puido ser ese o motivo polo que o número de participantes foi inferior ao de outras edicións.

Amizade organizou un paseo pola ría de Pontevedra, o venres 9 de Setembro, no que participaron varias persoas con mobilidade reducida. Esta actividase puidose organizar grazas á colaboración do Club Minauta, quen facilitou a embarcación. Trátase dunha zodiac de pequeno tamaño cuxo deseño permite que se poidan incorporar de xeito relativamente sinxelo persoas en cadeira de rodas.

O día 31 de agosto celebrouse unha reunión entre o presidente de Amizade e o alcalde do concello de Cotobade, Jorge Cubela. Unha xuntanza solicitada por Amizade coa intención de presentarlle a asociación ao novo alcalde do concello saído das últimas eleccións municipais de maio.

Como ven sendo case unha tradición, o pasado sábado 27 de agosto Amizade organizou unha comida de confraternización entre os seus socios/as, achegados/as e amigos/as no piñeiral da praia de Montalvo. Unha comida na que se intercambiaron experiencias vitais, gozouse dun entorno natural e dunha compañía agradable.

A recentemente nomeada concelleira de Benestar Social do concello de Pontevedra visitou as instalacións de Amizade o día 5 de xullo. Carmen Fouces puido coñecer de primeira man as actividades que desenvolve a asociación e escoitar as demandas que lles transmitiron as responsables da asociación.

A segunda edición dos premios "Pontevedresa na Onda" incluiu á Asociación Amizade como candidata na categoría de proxecto social e solidario.

Trátase dun galardón que premia aquelas iniciativas que "están máis na onda" e que consta de varias modalidades de diversos ámbitos. Desde Amizade queremos agradecer a Onda Cero Pontevedra o feito da nominación e comprometémonos a continuar traballando na liña da mellora continua da nosa sociedade.