Boletín de setembro de 2014; o nº23

Boletín de Amizade nº23 [Clic para ver o boletín]Como cada trimestre, achegamos o noso voletín informativo cun resumo das actividades desenvolvidas pola asociación diversas noticias de interese, informacións varias, e algún artigo de opinión.
Recordámosvos que o boletín de Amizade está aberto a difundir as opinións que calquera persoa poida ter no eido social. Anímate e envíanos o teu artigo, carta, reflexión,...; darémoslle cabida e futuras edicións.

Xornada de confraternidade en Montalvo

Imaxe dun momento da comida [Clic para ampliar a imaxe]Como ven sendo xa case unha tradición, o pasado sábado 23 de agosto Amizade organizou unha comida de confraternización entre os seus socios/as, achegados/as e amigos/as no piñeiral da praia de Montalvo.
Sobre as 12:00 foron chegando os primeiros asistentes, que foron compartindo experiencias e preparando as mesas para o xantar.

Boletín 22; xuño de 2014

Boletín de Amizade nº22 [Clic para ver o boletín]Información sobre as actividades desenvolvidas, noticias de interese ou artigos de opinión enchen as páxinas deste novo boletín de Amizade, que supón o número 22; agardamos que sexa do voso interese.

XXI Asemblea Xeral de Amizade

Imaxe dun momento da Asemblea [Clic para ampliar a imaxe]O sábado 26 de abril celebrouse a XXI Asemblea Xeral de Amizade. Nesta ocasión, tivo lugar na Casa de cultura de Lérez, ás 11:30h, asístindo un total de 21 persoas socias.

Nela, a Xunta Directiva deu conta do acontecido durante o ano 2013; presentou a memoria das actividades e obradoiros desenvolvidos ao longo de todo o ano e fixo unha descrición do informe económico, é dicir, de onde se conseguiron os cartos (administración públicas, empresas privadas, cotas de socias,...) e onde se investiron (monitores, materiais, , saídas de ocio,...).

O noso primeiro boletín de 2014

Boletín de Amizade nº21 [Clic para ver o boletín]Fai xa o número 21 e neste caso contén varias noticias de interese, información das axctividades da asociación, un artigo sobre a sordocegueira,...Agardamos que sexa do voso interese.

X Solidaria

Recordade que xa estamos na campaña da declaración da renda e as entidades sociais pedimos que marquen o recadro destinado a FINS SOCIAIS, que este ano cambia de nome e se chama "Actividades de Interese Xeral consideradas de Interese Social".

Amizade mantén reunións co Concello de Pontevedra

Nos meses de decembro de 2013, e xaneiro e febreiro de 2014 o presidente de Amizade reuniuse con diversos responsables políticos técnicos do concello de Pontevedra. Nestas reunións, Amizade trasladou a súa opinión e as súas propostas sobre variados temas.

Un deles foi o referente ao uso fraudulento que algunhas persoas fan das tarxetas de estacionamento para persoas con mobilidade reducida e da necesidade de exercer un maior control por parte da Policía Local. Paralelamente falouse da necesidade de ampliar o número de prazas reservadas en zonas céntricas da cidade.

Boletín Informativo nº20, o de decembro

Boletín de Amizade nº20 [Clic para ver o boletín]Diferentes noticias de interese se poden atopar neste boletín, así como información sobre a distrofia muscular de Duchenne.

Remata o obradoiro de Informática Básica e o obradoiro de Ocio e Lecer

Imaxe dun momento do Obradoiro [Clic para ampliar a imaxe]No mes de novembro remataron dous Obradoiros que Amizade desenvolveu durante o ano 2013. O Obradoiro de Informática Básica rematou o día 29 de Novembro e o de Ocio e Lecer o 30 do mesmo mes.
O primeiro deles, o Obradoiro de Informática Básica desenvolveuse entre o 1 de Marzo e o 29 de Novembro e tiña como obxectivo principal incrementar as habilidades as posibilidades de acceso ao mercado de traballo das persoas con discapacidade a través da mellora da súa formación.

Charlas de concienciación

O 7 de novembro houbo unha charla na facultade de Fisioterapia onde se falou da visión da discapacidade que se ten desde a asociación e intercambiáronse opinións sobre procesos de rehabilitación, tanto física como psicolóxica.

Imaxe da charla no instituto de Cuntis [Clic para ampliar a imaxe]Foi o día 26 de novembro cando tiveron lugar dúas charlas no Instituto de Cuntis. Foron organizadas en colaboración coa asociación Avanzar, e versaron sobre os cambios que se producen na vida dunha persoa cando lle sobrevén unha discapacidade.

Distribuir contido

Navegación

Transporte accesible

Amizade nas redes sociais

Ir á páxina de Facebook de Amizade

Amizade está presente nas redes sociais. Consulta o noso perfil de Facebook, faite amiga/o e comenta as noticias.

Marca Fins Sociais

Queres colaborar?

Coop57

Ir á web de Coop57

Amizade é socia da cooperativa Coop57 , que destina os seus recursos a dar préstamos a proxectos de economía social.