Charlas de concienciación

O 7 de novembro houbo unha charla na facultade de Fisioterapia onde se falou da visión da discapacidade que se ten desde a asociación e intercambiáronse opinións sobre procesos de rehabilitación, tanto física como psicolóxica.

Imaxe da charla no instituto de Cuntis [Clic para ampliar a imaxe]Foi o día 26 de novembro cando tiveron lugar dúas charlas no Instituto de Cuntis. Foron organizadas en colaboración coa asociación Avanzar, e versaron sobre os cambios que se producen na vida dunha persoa cando lle sobrevén unha discapacidade.

Boletín nº19, setembro 2013

Boletín de Amizade nº19 [Clic para ver o boletín]As actividades de ocio que tiveron lugar durante o verán ocupan a primeira parte deste boletín. Tamén se pode encontrar outra información de interese, artigos de opinión e un artigo con información sobre a enfermidade de Huntington.

Lotería de Nadal

Lotería de Nadal do ano 2013Por segundo ano, Amizade vende lotería de Nadal. Son boletos a 5€ nos que se xoga a dous números diferentes, 2,10€ a cada número; quedando un donativo de 0,80€ por cada boleto. As persoas interesadas en adquirir algunha participación deberán achegarse polo local, ou poñerse en contacto con nós polos medios habituais.

VI Edición da Xornada de Pesca de Amizade

O grupo intentando pescar algo[Clic para ampliar a imaxe]O 14 de setembro foi o día no que tivo lugar a VI Xornada de pesca que organiza Amizade. Celebrouse novamente no paseo próximo ao peirao das Corbaceiras, un lugar que aúna seguridade e accesibilidade. Esta actividade soe ser bastante demandada e soe atraer a moitas persoas. Un ano máis, a climatoloxía acompañou, algo que axudou a gozar da actividade.

Boletín Informativo de xuño de 2013, xa o nº18

Boletín de Amizade nº18 [Clic para ver o boletín]Un novo boletín con información diversa das actividades de Amizade, cun especial sobre o 25 aniversario. Contén tamén as propostas de ocio para este verán, diversas novas de interese, e información sobre o Lupus Eritematoso Sistémico.

Nova charla de concienciación

Continuando coas actividades incluídas dentro do proxecto "Acadando Compromiso Social" (financiado por ENCE), o día 13 de maio de 2013 tivo lugar unha nova charla no IES de Poio.

Nesta ocasión, a temática foi a prevención de accidentes e a seguridade vial. Preto de 50 mozos e mozas puideron coñecer cales poden ser as consecuencias de ter comportamentos irresponsables cando se conduce ou cando se vai de acompañante nun vehículo.

Charla sobre Deporte Adaptado na universidade

A facultade de Ciencias de Educación e do Deporte acolleu unha charla sobre "Deporte Adaptado" o pasado 11 de abril. Nela, as persoas asistentes puideron coñecer as particularidades da práctica de diversos deportes por parde de persoas con discapacidade.

O vicepresidente de Amizade, Eugenio Pazos, foi quen lle transmitiu os súa experiencia e coñecementos, informando e formando aos futuros profesionais do eido do deporte en como se deben enfocar diversas situacións.

Acto Conmemorativo do 25 Aniversario de Amizade

Imaxe do fotocall [Clic para ampliar a imaxe]Pois si; xa son unha chea de anos traballando a prol das persoas con discapacidade. Anos difíciles, nos que se conseguiron unha serie de logros e nos que fomos cada vez máis conscientes de todo o que aínda hai que traballar para conseguir que as persoas con discapacidade poidan gozar dunha igualdade real.
Tal cifra mereceu unha celebración.

Celebración da XX Asemblea Xeral Ordinaria de Amizade

Momento da asemblea [Clic para ampliar a imaxe]Na mañá do sábado día 20 de abril, Amizade celebrou a súa XX Asemblea Xeral Ordinariano. Tivo logar no Pazo da Cultura de Pontevedra, e nela a Xunta Directiva deu conta das actividades desenvolvidas durante o ano 2012 así como do balance económico correspondente a dito ano, que rematou con certo aforro. Ambos documentos formaban parte do informe de xesión que foi aprobado pola unanimidade dos asistentes.

Boletín de marzo de 2013, que fai xa o nº 17

Boletín de Amizade nº17 [Clic para ver o boletín]O 25 aniversario de Amizade, diversas novas de interese, información sobre a Esclerose Lateral Amiotrófica, e unha referencia a éxitos deportivos cubren as páxinas desta edición do noso boletín.

Distribuir contido

Transporte accesible

Amizade nas redes sociais

Ir á páxina de Facebook de Amizade

Amizade está presente nas redes sociais. Consulta o noso perfil de Facebook, faite amiga/o e comenta as noticias.

Queres colaborar?

Coop57

Ir á web de Coop57

Amizade é socia da cooperativa Coop57 , que destina os seus recursos a dar préstamos a proxectos de economía social.