O venres 22 de maio Amizade organizou unha visita ao roteiro Castelao na que participaron un grupo de alumnos/as do programa de Educación de Adultos/as xunto con outros/as socios/as da entidade.

O roteiro comezou ás 10:00 da mañá na praza San José e percorréronse rúas e lugares de interese da cidade de Pontevedra relacionadas con Castelao; entre outras, a praza da Ferrería, Museo de Pontevedra (onde observaron fundamentalmente a aula adicada a Castelao), a fábrica da luz, a praza do Teucro e das cinco rúas, teatro principal, etc.

Durante o percorrido, unha monitora licenciada en Historia ensinoulles a relación de ditos lugares coa emblemática figura de Castelao na cidade de Pontevedra. Así, as persoas participantes coñeceron máis de preto a figura do notable escritor, político, pintor e debuxante galego, nacido en Rianxo, mais pontevedrés “pola miña propia vontade e pola identificación coas terras e xentes de Pontevedra”, como se recolle nunha carta enviada en 1974 polo propio Castelao ao presidente do Centro Pontevedrés de Bos Aires na época.

Constituiu a un mesmo tempo unha actividade de lecer e unha actividade cultural posto que os participantes no roteiro gozaron dunha mañá diferente á vez que adquiriron coñecementos sobre os lugares onde realizaba a súa actividade o ilustre membro do Partido galeguista.

Os alumnos e alumnas do grupo de educación de adultos xa recibiran en días previos diversa información sobre a figura de Castelao e a súa importancia tanto a novel cultural como político na historia de Galicia e, en especial, na aprobación do estatuto de autonomía de 1936.