O noso centro ten por finalidade satisfacer as necesidades de promoción profesional e habilitación integral das persoas con discapacidade na súa zona de residencia, sempre axustadas as súas características persoais e polo tanto cun itinerario específico que lles permite superar os obstáculos que as veces supón a súa discapacidade.

Non pretende ter un carácter finalista ou residual, no sentido de que as persoas que participan no centro permanecen alí sen máis posibilidades de avance, senón que se contempla como unha posibilidade máis dentro do sistema laboral, sempre que sexa factible; e dicir, como unha etapa previa á formación ocupacional ou ao emprego, tanto nun entorno protexido (centros especiais de emprego) como nun emprego ordinario.

Está situado na rúa Alemaña nº 23, baixo, no barrio de Monte Porreiro do concello de Pontevedra. O horario de atención aos usuarios é de 8:30 a 14:00. Ver situación

O centro está atendido polo seguinte persoal

• Dirección (1 persoa). Titulación: diplomatura en Xestión e Administración Pública. Especialista universitario en Xestión de Entidades sen Ánimo de Lucro.
• Administración (1 persoa). Titulación: diplomatura en Relacións Laborais.
• Monitora de Taller (1 persoa). Titulación: varias.
• Monitor de Taller (1 persoa). Titulación: varias.

Organización do centro

O centro está estructurado nas seguintes áreas:

Área de Dirección - Administración: 111.25 m

Neste área atópanse as oficinas e as salas comúns tanto para a dirección do centro como para a atención a familias e usuarios.

Área de Formación Ocupacional: 81.2m

Aquí están emprazadas as dúas aulas que se empregan para a impartición de especialidades formativas homologadas do plan FIP e similares.

• Aula Práctica: 40.60m
• Aula Teórica: 40.60m

Área de Talleres Prelaborais: 46.10m

• Aula Multimedia de atención individualizada: 23.05m

Neste aula impártese unha formación básica en temas relacionados co aprendizaxe da informática e as necesidades de perfeccionamento sempre de forma individual atendendo as características de cada usuario e o seu nivel de coñecementos. Emprégase tamén como lugar de divertimento e comunicación (ciber espacio).

• Taller Prelaboral Rotativo: 23.05m

Neste espacio están emprazados os talleres ocupacionais – prelaborais en actividades como encadernación, restauración, pintura, cestería, etc., que se organizan en función das necesidades dos usuarios/as e das posibilidades de promoción laboral dos mesmos/as.

Área de Formación Básica

(Empregaranse as aulas anteriores dentro do horario dispoñible)

Estarían emprazadas as actividades de Formación Básica de Adultos, Formación en Técnicas de Busca de Emprego (TBE), así como aquelas actividades orientadas a preparación de probas de obtención de título de Graduado Escolar ou similares.

TOTAL SUPERFICIE CONSTRUÍDA: 270.60m
TOTAL SUPERFICIE ÚTIL: 238.55m